काठमाडौं । नेपाली कांग्रेसका नेता डा. शेखर कोइरालाले पार्टीभित्र विशेष महाधिवेशनका पक्षमा गरिएको हस्ताक्षर अभियानलाई संगठनभित्र नयाँ ऊर्जा भर्ने प्रयासका रूपमा व्याख्या गरेका छन्।
कांग्रेस केन्द्रीय समितिको बैठकमा धारणा राख्दै उनले उक्त अभियान पार्टीभित्रको लोकतान्त्रिक अभ्यास र आन्तरिक सुदृढीकरणको प्रक्रिया भएको बताएका हुन्।
उनका अनुसार, नियमित महाधिवेशनमार्फत विशेष महाधिवेशनले उठाएका विषयहरू स्वाभाविक रूपमा सम्बोधन हुने विश्वास आफूलाई छ।
कोइरालाले भने, “महाधिवेशनबाट आउने परिणामले कांग्रेसलाई पुनः जागृत पार्नेछ, विशेष गरी आगामी फागुन २१ गते हुने निर्वाचनमा नयाँ जोश र उत्साह भरिनेछ।”
प्रकाशित मिति: बिहीबार, असोज ३०, २०८२
