काठमाडौं । जेनजीहरूको सोमबारको विरोध प्रदर्शन हिंसात्मक रुप लिएपछि सरकारले घटनाको तथ्य–परक छानबिनका लागि उच्चस्तरीय समिति गठन गरेको छ।
सोमबार साँझ प्रधानमन्त्री निवास बालुवाटारमा बसेको मन्त्रिपरिषद् बैठकले समितिलाई १५ दिनभित्र प्रतिवेदन बुझाउने कार्यादेश (टिओआर) सहित गठन गर्ने निर्णय गरेको हो। एक मन्त्रीका अनुसार, समितिलाई आन्दोलनका क्रममा भएको मृत्यु, घाइते, प्रहरीको दमन, हिंसा र सम्पूर्ण घटनाक्रमको छानबिन गर्ने जिम्मेवारी दिइनेछ।
सरकारले समितिको प्रतिवेदनका आधारमा आवश्यक कानूनी कारबाही र आगामी दिनमा यस्ता घटना दोहोरिन नदिन नीतिगत निर्णय लिने बताइएको छ।
यसअघि, जेनजी आन्दोलनका क्रममा देशभर झडप भई ठूलो संख्यामा सर्वसाधारण घाइते भएका र दर्जनौंको मृत्यु भएको भन्दै सरकार व्यापक दबाबमा परेको थियो।
प्रकाशित मिति: सोमबार, भदौ २३, २०८२
