काठमाडौं । जेनजी आन्दोलनमा भएको ठूलो जनधनको क्षतिपछि गृहमन्त्री रमेश लेखकले पदमा नबस्ने घोषणा गरेका छन् । सोमबार साँझ नेपाली कांग्रेसका सभापति शेरबहादुर देउवा निवासमा बसेको पदाधिकारी र पूर्वपदाधिकारीको बैठकमा उनले यो जानकारी दिएका हुन् ।
बैठकमा उपस्थित एक पदाधिकारीका अनुसार, गृहमन्त्री लेखकले प्रदर्शनका क्रममा ठूलो मानवीय क्षति भएको उल्लेख गर्दै त्यसको नैतिक जिम्मेवारी लिनुपर्ने बताए ।
उनका भनाइ उद्धृत गर्दै ती पदाधिकारीले भने, “आजको घटनामा ठूलो मानवीय क्षति भयो । त्यसको जिम्मेवारी म लिन्छु । नैतिकताका आधारमा पदमा बस्दिनँ ।”
प्रकाशित मिति: सोमबार, भदौ २३, २०८२
