काठमाडौं । काठमाडौंको नयाँबानेश्वर क्षेत्रमा भइरहेको जेनजी आन्दोलनको प्रदर्शन हिंसात्मक बन्दा प्रहरीको गोली लागेर घाइते भएका एकजनाको मृत्यु भएको छ।
स्रोतका अनुसार गोली लागेर गम्भीर घाइते भएका प्रदर्शनकारीलाई तत्कालै नयाँबानेश्वरस्थित सिभिल अस्पतालमा भर्ना गरिएको थियो। अस्पतालमा उपचाररत रहँदा उनको मृत्यु भएको सिभिल अस्पतालका निर्देशक डा. मोहन रेग्मीले पुष्टि गरेका छन्।
डा. रेग्मीका अनुसार मृत्यु भएकाको परिचय खुल्न बाँकी छ। हालै अस्पतालमा ७० देखि ८० जना घाइतेको उपचार भइरहेको छ, जसमा केहीको अवस्था गम्भीर रहेको बताइएको छ।
काठमाडौंको नयाँबानेश्वर क्षेत्रमा विहीबार बिहानैदेखि जेनजी आन्दोलनका सहभागीहरूले प्रदर्शन चर्काएपछि प्रहरीसँग झडप भएको थियो। प्रदर्शनकारीले संसद भवनतर्फ अघि बढ्ने प्रयास गरेपछि प्रहरीले बल प्रयोग गरेको हो। त्यहाँ इँटा–ढुङ्गा प्रहारसमेत भएको र भीड नियन्त्रणका लागि प्रहरीले अश्रुग्यास, पानीको फोहरा र अन्ततः गोलीसमेत प्रयोग गरेको प्रत्यक्षदर्शीहरूले बताएका छन्।
घटनापछि प्रहरीले क्षेत्रलाई घेराबन्दी गर्दै कर्फ्यू आदेश जारी गरेको छ। अहिले पनि ठूलो संख्यामा सुरक्षा बल परिचालन गरिएको छ।
मृतक र घाइतेहरूबारे थप विवरण सार्वजनिक हुने प्रक्रियामा छ।
प्रकाशित मिति: सोमबार, भदौ २३, २०८२
-1757331170.jpg)
