काठमाडौं । नागरिक उन्मुक्ति पार्टी (नाउपा) भित्र अध्यक्ष रञ्जिता श्रेष्ठ चौधरी र संस्थापक नेता रेशम चौधरीबीच देखिएको तनाबकै बीच पार्टीको केन्द्रीय समिति बैठक आह्वान गरिएको छ ।
अध्यक्ष श्रेष्ठले भदौ १५ र १६ गते काठमाडौंको कान्तिपथस्थित होटल एल्लो प्यागोडामा बैठक बस्नेगरी आह्वान गरेकी हुन् । बैठकमा संस्थापक केन्द्रीय सदस्य, प्रतिनिधि सभा तथा प्रदेश सभा सदस्य, साथै पालिका प्रमुख–उपप्रमुखलाई समेत बोलाइएको छ ।
बैठकमा विधान संशोधन, केन्द्रीय सदस्य मनोनयन, निर्वाचन आयोगमा विवरण अध्यावधिक र समसामयिक राजनीतिक विषयलाई एजेन्डा बनाइएको छ ।
रेशम चौधरीसँगको सम्बन्धमा चिसोपन देखिएका बेला बसेको यो बैठकलाई पार्टी भित्रको शक्ति सन्तुलनका दृष्टिले महत्वपूर्ण रूपमा हेरिएको छ ।
प्रकाशित मिति: शुक्रबार, भदौ १३, २०८२
