काठमाडौं । २०औँ एसियन गेम्स २०२६ अन्तर्गत महिला भलिबलमा नेपाल समूह ‘ए’को दोस्रो खेलमा इन्डोनेसियासँग पराजित भएको छ।
जापानको आइची नागोयास्थित पार्क एरिना कोमाकीमा बिहीबार भएको खेलमा नेपाल इन्डोनेसियासँग ३–० को सोझो सेटमा पराजित भएको हो। नेपाल २५–१२, २५–२१ र २५–२० ले पराजित भयो।
यसअघि पहिलो खेलमा नेपाल आयोजक जापानसँग ३–० को सोझो सेटमा पराजित भएको थियो। समूह ‘ए’मा रहेका जापान र इन्डोनेसियासँग दुवै खेल गुमाएपछि नेपाल समूह चरणबाटै बाहिरिएको छ।
पछिल्लो एफआईभीबी वरियतामा नेपाल ६९औँ तथा इन्डोनेसिया ५३औँ स्थानमा रहेका छन्।
नेपालले अब ९ देखि १४औँ स्थानसम्मको वरीयता निर्धारणका लागि हुने खेलमा प्रतिस्पर्धा गर्नेछ। अन्य समूहका खेल सकिएपछि नेपालले खेल्ने अर्को टोलीको टुंगो लाग्नेछ।
समूह ‘ए’बाट जापान, इन्डोनेसिया र नेपालमध्ये शीर्ष दुई टोली क्वार्टरफाइनलमा पुग्ने प्रावधान रहेको छ।
प्रकाशित मिति: बिहीबार, असोज १, २०८३
-1787133994.jpg)