काठमाडौं । नेपालले एसियाली खेलकुदको महिला भलिबलतर्फ समूह चरणको आफ्नो दोस्रो तथा अन्तिम खेलमा बिहीबार इन्डोनेसियासँग प्रतिस्पर्धा गर्दैछ ।
समूह ‘ए’ अन्तर्गतको खेल कोमाकी, आइचीस्थित कोमाकी सिटी स्पोर्ट्स पार्क जनरल जिम्न्यासियममा नेपाली समयअनुसार दिउँसो ४ः०५ बजे सुरु हुनेछ ।
नेपाललाई अघिल्लो चरणको सम्भावना कायम राख्न यो खेल जित्नैपर्ने अवस्था छ । इन्डोनेसियासँग पराजित भए नेपालको यात्रा समूह चरणमै सीमित हुनेछ ।
इन्डोनेसिया पनि नेपाललाई पराजित गर्दै अघिल्लो चरणमा स्थान पक्का गर्ने लक्ष्यमा छ । यो उसको प्रतियोगिताको पहिलो खेल हो ।
नेपाल पहिलो खेलमा घरेलु टोली जापानसँग सोझो सेटमा पराजित भएको थियो । बुधबार भएको खेलमा जापानले नेपाललाई २५–८, २५–१२ र २५–११ को सेटमा पराजित गरेको थियो ।
प्रकाशित मिति: बिहीबार, असोज १, २०८३
