१७ माघ, काठमाडौँ । स्कटल्याण्डको फुटबल क्लब शेटलस्टनका गोलरक्षकले फुटबल जीवनकै अचम्मको रातो कार्ड पाएका छन । गोलरक्षक ग्यारी व्हाइटले आफ्नै गोल पोस्टको पछाडी गएर पिसाब गरेका कारण रातो कार्ड पाएका हुन् । उनलाई वेष्ट अफ स्कटल्याण्ड सुपर लिग अन्तर्गत शोट्टस बोन एकोर्डसँगको खेलको क्रममा रातो कार्ड दिइएको हो ।
पिसाबले च्यापेर लाइन्स म्यानसँग केही समय ब्रेकका लागि आग्रह गर्दा केही प्रतिक्रिया नदिएपछि बल आफ्नो पोस्टबाट टाढा रहेको मौका छोपेर गोलरक्षक व्हाइट आफ्नो पोस्टबाट पछाडी गएर पिसाब गरेका थिए । त्यसपछि उनलाई ७२ औं मिनेटमा रातो कार्ड दिइएको हो । क्लबले भने उनलाई रातो कार्ड दिइएकोमा असन्तुष्टि जनाएको छ । पहेँलो कार्डसम्म ठीकै भएपनि रातो कार्ड चाहीँ बढी भएको क्लबले जनाएको छ ।
प्रकाशित मिति: आइतबार, माघ १६, २०७३
