१६ माघ, काठमाडौँ । फागुन १ गतेदेखि १५ वर्षदेखि ७५ वर्षसम्मका नागरिकको बाथमुटु रोगको सम्र्पूण उपचार निःशुल्क हुनेभएको छ । सरकारले मुटुरोगको उपचार सहज बनाउन यही फागुन १ गतेबाट निःशुल्क उपचार गर्ने घोषणा गरेको हो । नेपालमा युवामा मुटु रोगको समस्या बढ्दै गएको भन्दै सरकारले बाथ, मुटुरोगको उपचार, शल्यक्रिया, औषधिलगायत सम्पूर्ण सेवा सहिद गङ्गालाल राष्ट्रिय हृदय केन्द्र र मनमोहन कार्डियोभास्कुलर सेन्टर महाराजगञ्जबाट निःशुल्क प्रदान गर्ने व्यवस्था मिलाएको छ । मुटुरोगीका लागि रु एक लाख, १५ वर्षमुनिका बालबालिका र ७५ वर्षमाथिका ज्येष्ठ नागरिकको मुटुको सम्पूर्ण उपचार पनि यसअघि निःशुल्क रुपमा हुँदै आएको थियो ।
प्रकाशित मिति: शनिबार, माघ १५, २०७३
