काठमाडौं । प्रमुख प्रतिपक्षी नेपाली कांग्रेसको आह्वानमा विपक्षी दलहरूको बैठक बसेको छ।
सिंहदरबारस्थित कांग्रेस संसदीय दलको कार्यालयमा बसेको बैठकमा कांग्रेससहित एमाले, नेकपा, श्रम संस्कृति पार्टी र राप्रपाका नेताहरू सहभागी छन्।
बिहीबार (भदौ २५) दिउँसो १ बजे संसद् बैठक बस्दै छ। त्यसअघि विपक्षी दलहरू समसामयिक विषयमा छलफल गर्न जुटेका हुन्।
बैठकमा कांग्रेस संसदीय दलका नेता भीष्मराज आड्देम्बे र प्रमुख सचेतक वासना थापा सहभागी छन्। यस्तै, एमालेका तर्फबाट संसदीय दलका उपनेता पद्मा अर्याल र सचेतक निशा घतानी सहभागी छन्।
नेकपाबाट उपनेता प्रमेशकुमार हमाल र प्रमुख सचेतक युवराज दुलाल, श्रम संस्कृति पार्टीबाट ध्रुवराज राई तथा राप्रपाबाट सरस्वती लामा बैठकमा सहभागी छन्।
प्रकाशित मिति: बिहीबार, भदौ २५, २०८३
