काठमाडौं । नेपाली कांग्रेसको केन्द्रीय कार्यसम्पादन समितिको बैठक एक दिन सरेको छ ।
शनिबार बस्ने तय भएको बैठक अब आइतबार दिउँसो १ बजे पार्टीको केन्द्रीय कार्यालय सानेपामा बस्ने कार्यवाहक मुख्य सचिव कृष्णप्रसाद दुलालले जानकारी दिएका छन् ।
बैठकमा केन्द्रीय कार्यसमितिका पदाधिकारी तथा सदस्यहरूको उपस्थितिका लागि अनुरोध गरिएको उनले बताए ।
बैठकमा कांग्रेसको १५औँ महाधिवेशन तथा रसुवा बाढीपछि उत्पन्न परिस्थितिबारे छलफल हुने जनाइएको छ ।
पूर्वसभापति शेरबहादुर देउवा समूहले आगामी मंसिरमा समानान्तर महाधिवेशन गर्ने निर्णय गरेपछि कांग्रेसले केन्द्रीय कार्यसम्पादन समितिको बैठक बोलाएको हो ।
प्रकाशित मिति: शुक्रबार, भदौ १९, २०८३
