काठमाडौं । काेराेना भाइरसकाे संक्रमणका कारण ललितपुर र झापामा गरी ३ जनाकाे मृत्यु भएकाे छ ।
ललितपुर-२४ धापाखेलका ८० वर्षीय पुरुषको मेघा अस्पतालमा उपचारका क्रममा मंगलबार साँझ ५ बजे मृत्यु भएको जिल्ला स्वास्थ्य कार्यालय ललितपुरले जनाएको छ । उनी भदौ ६ गते अस्पताल भर्ना भएका थिए ।
यस्तै पाटन वडा नम्वर १६ का ७४ वर्षका पुरुषको अल्का अस्पतालमा आज बिहान सवा २ बजे मृत्यु भएको छ ।
गत भदौ १६ गते अस्पताल भर्ना भएका उनमा कलेजोमा समस्या थियो । उपचारकै क्रममा उनलाई कोरोना पोजेटिभ देखिएको थियो ।
यसैगरी काेराेना भाइरसकाे संक्रमणका कारण झापाका १ पुरुषकाे पनि मृत्यु भएकाे छ ।
झापाकाे भद्रपुर–१० घर भएका ८६ वर्षीय वृद्धकाे उपचारका क्रममा बुधबार बिहान मृत्यु भएको हाे ।
विराटनगरस्थित विराट मेडिकल कलेज शिक्षण अस्पतालको आइसोलेनमा उपचारका क्रममा बिहान ५ः५० बजे उनकाे मृत्यु भएको अस्पतालका प्रशासन प्रमुख सुधीरसिंह राठौरले जानकारी दिए ।
अस्पतालका अनुसार ती वृद्ध जटिल खालको निमोनिया र मधुमेहका बिरामी थिए ।
प्रकाशित मिति: बुधबार, असोज ७, २०७७
-1732776560.jpg)
