काठमाडौं । नेपालमा पछिल्लो २४ घन्टामा देशभर थप ९ सय २ जनामा कोरोना भाइरसको संक्रमण पुष्टि भएकाे छ ।
२४ घन्टामा देशका विभिन्न प्रयोगशालामा गरिएको १० हजार ६ सय ११ जनाकाे पिसिआर परीक्षणका क्रममा यी व्यक्तिमा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
यो सहित नेपालमा कोरोना संक्रमित हुने को संख्या ४८ हजार १ सय ३८ जना पुगेको छ। हाल सक्रिय संक्रिमतकाे संख्या १४ हजार ८ सय ६८ छ ।
यसैगरी पछिल्लो २४ घन्टामा थप २ हजार २ सय ८७ जना कोरोना संक्रमणमुक्त भएर घर फर्किएका छन् । योसहित नेपालमा काेराेनामुक्त हुनेकाे संख्या ३२ हजार ९ सय ६४ पुगेकाे छ ।
यसैगरी पछिल्लाे २४ घन्टामा देशभरमा ५ जनाकाे काेराेना संक्रमणका कारण मृत्यु भएकाे छ। काठमाडाैंकी १ महिला र सुनसरीका १ जना, पर्साका २ जना, काठमाडाैंका १ जना र कपिलवस्तुका १ जना पुरुषकाे मृत्यु भएकाे हाे ।
यससँगै नेपालमा काेराेनाका कारण ज्यान गुमाउनेकाे संख्या ३ सय ६ पुगेकाे छ ।
प्रकाशित मिति: मंगलबार, भदौ २३, २०७७
-1732776560.jpg)
