काठमाडाैं । काेराेना भाइरसकाे संक्रमणका कारण चितवन र बुटवलमा १-१ जनाकाे मृत्यु भएकाे छ ।
चितवनमा कोरोना भाइरसका कारण १ पुरुषको मृत्यु भएको छ । चितवन मेडिकल कलेज भरतपुरमा आइतबार ५२ वर्षीय पुरुषको मृत्यु भएको हो।
भरतपुर महानगरपालिका-११ घर भएका पुरुषको आइतबार दिउँसो मृत्यु भएको जिल्ला स्वास्थ्य कार्यालय चितवनले जनाएकाे छ ।
निमोनिया भएर भदौ ४ गते अस्पतालमा भर्ना भएका उनको भेन्टिलेटरमा उपचार गराइएको थियो ।
यसैगरी बुटवलमा पनि १ कोरोना संक्रमित पुरुषको मृत्यु भएको छ । बुटवल–५ का ६७ वर्षीय पुरुषको कोरोना विशेष अस्पतालमा मृत्यु भएकाे हाे ।
मुटुरोग, मधुमेह, श्वासप्रश्वास र उच्च रक्तचापको समस्या रहेका उनी आइतबार बिहान मात्रै उपचारका लागि अस्पताल आएका थिए । ज्वरो क्लिनिकमा आएका उनलाई कोरोना पोजेटिभ पछि अस्पतालमा भर्ना गरिएको थियो ।
प्रकाशित मिति: आइतबार, भदौ १४, २०७७
-1732776560.jpg)
