भक्तपुर । निमोनिया भएर उपचारका लागि भक्तपुर अस्पताल आएका १ बिरामीको कोभिड–१९ (कोरोना भाइरस) संक्रमणबाट मृत्यु भएको छ ।
भक्तपुर नगरपालिका–३ मंगलाछेका एक ८२ वर्षीय पुरुषको मृत्यु भएको हो । उपचारका क्रममा मृत्यु भएका ती पुरुषमा कोरोना भाइरस संक्रमण पुष्टि भएको प्रमुख जिल्ला अधिकारी हुमकला पाण्डेले जानकारी दिइन् ।
अस्पतालकी मेडिकल सुपरिटेन्डेन्ट डा. सुमित्रा गौतमले निमोनिया भएर बिहीबार दिउँसो उपचारका लागि ल्याइएका पुरुषको उपचारका क्रममा आज मृत्यु भएको जानकारी दिइन् । बिरामीको बिहीबार नै स्वाब संकलन गरेर पिसिआर परीक्षणका लागि पठाएको र आज आएको रिपोर्टमा संक्रमण पुष्टि भएको उनले बताइन् ।
यसैगरी शुक्रबार नै गाेरखाका १ संक्रमितकाे पनि चितवनमा मृत्यु भएकाे छ। गोरखाकाे गाेरखा नगरपालिका १३ रामशाह टोलका ३८ वर्षीय १ पुरुषको काेराेनाका कारण मृत्यु भएको हाे ।
चितवनको भरतपुर अस्पतालमा उपचाररत उनको शुक्रबार दिउँसो मृत्यु भएको हाे । उच्च ज्वरो आएपछि उपचारका लागि गएका उनी थप उपचारका लागि भरतपुर अस्पताल गएकामा भदाै १० गते काेराेना संक्रमण पुष्टि भएको थियो ।
प्रकाशित मिति: शुक्रबार, भदौ १२, २०७७
-1732776560.jpg)
