पोखरा । पोखरामा काेराेना भाइरसकाे संक्रमणका कारण थप १ जनाकाे मृत्यु भएकाे छ ।
श्वासप्रश्वासमा समस्या भएपछि पोखराको पश्चिमाञ्चल क्षेत्रीय अस्पताल पुगेका कोरोना संक्रमित पोखरा–१६ का ५२ वर्षीय पुरुषको शुक्रबार मृत्यु भएको हाे ।
बिहीबार प्रतिष्ठानमै स्वाब दिएर घर फर्किएका पोखरा महानगरपालिका- १६ का ५२ वर्षीय पुरुषलाई शुक्रबार उपचारका लागि ल्याउँदै गर्दा दिउँसो सवा १२ बजे आइसोलेसन कक्षको गेटमै मृत्यु भएको प्रतिष्ठानका निर्देशक डा. अर्जुन आचार्यले जानकारी दिए ।
मृतक पुरुषमा कोरोनासँगै उच्च रक्तचाप र मधुमेहका समेत समस्या थियो ।
योसँगै पोखरामा कोरोनाबाट मृत्यु हुनेको संख्या ४ पुगेको छ भने गण्डकी प्रदेशमा १० जनाकाे मृत्यु भएकाे छ ।
यसैगरी काठमाडौंको महाराजगञ्जस्थित शिक्षण (टिचिङ) अस्पतालमा मृत्यु भएका उदयपुरका ५२ वर्षीय पुरूषमा कोरोना भाइरसको संक्रमण पुष्टि भएको छ।
गत ९ गते मृत्यु भएका उनको बिहीबार बेलुकी रिपोर्ट आउँदा कोरोना पोजेटिभ देखिएको अस्पतालका कोभिड कमिटी सदस्य डा. सविन थपलियाले जानकारी दिए।
उनलाई गत ९ गते नै अस्पताल भर्ना गरिएको थियो। सोही दिन आइसियूमा राखेर उपचार गर्ने क्रममा उनको मृत्यु भएको अस्पतालले जनाएको छ।
प्रकाशित मिति: शुक्रबार, भदौ १२, २०७७
-1732776560.jpg)
