विराटनगर । विराटनगरस्थित कोसी अस्पतालकाे कोभिड १९ उपचार केन्द्रमा सिरहाकी कोरोना संक्रमित महिलाको मृत्यु भएको छ।
सिरहाको लहानकी ६५ वर्षीया महिलाको शुक्रबार बिहान मृत्यु भएको कोसी अस्पतालका मेडिकल सुपरिटेन्डेन्ट चुमनलाल दासले जानकारी दिए ।
उनलाई बिहीबार बेलुकी उक्त केन्द्रमा भर्ना गरिएको थियो । चिकित्सकका अनुसार ती महिलामा फोक्सोसम्बन्धी समस्यासमेत थियो ।
स्वासप्रस्वासमा समस्या भएपछि बिहान ७ बजेबाट बिरामीलाई भेन्टिलेटरमा राखेर उपचार भइरहेको अवस्थामा मृत्यु भएको उनले बताए ।
प्रकाशित मिति: शुक्रबार, भदौ १२, २०७७
-1732776560.jpg)
