काठमाडौं । बिहीबार नेपालमा थप १ हजार १ सय ११ जनामा काेराेना भाइरसकाे संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा १२ हजार ६ सय २९ जनाकाे नमुना परीक्षण गर्दा ३ सय ३४ जना महिला र ७ सय ७७ जना पुरुष गरी १ हजार १ सय ११ संक्रमित थपिएको जानकारी दिए ।
थपिएकामध्ये काठमाडौं उपत्यकाका मात्र ३ सय ७७ जना छन् । पछिल्लो २४ घण्टामा काठमाडौंमा २ सय ७० जनामा, ललितपुरमा ६६ जना र भक्तपुरमा ४१ जनामा कोरोना संक्रमण देखिएको हाे ।
यसैगरी पछिल्लो २४ घण्टामा देशभरका विभिन्न अस्पतालबाट ५ सय ६९ जना डिस्चार्ज भएका छन् । त्यसैगरी हालसम्म २० हजार ७३ जना डिस्चार्ज भएका छन् । हालसम्म डिस्चार्ज हुने दर ५६ प्रतिशत छ ।
यसैगरी हाल देशभर सक्रिय संक्रमितको संख्या १५ हजार २ सय ७३ छ भने हालसम्म काेराेना संक्रमितकाे कुल संख्या २५ हजार ५ सय २९ पुगेकाे छ ।
प्रकाशित मिति: बिहीबार, भदौ ११, २०७७
-1732776560.jpg)
