काठमाडाैं । नेपालमा बुधबार थप ८ सय ८५ जनामा कोरोना भाइरसकाे संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमका अनुसार देशभरका विभिन्न प्रयोगशालामा गरिएको १३ हजार २ सय ५२ जनाकाे परीक्षणमा ८ सय ८५ जनामा कोरोना भाइरस संक्रमण देखिएको हाे
बुधबार थपिएकामध्ये काठमाडाैं उपत्यकाका मात्रै ३ सय १ जना छन् । गाैतमका अनुसार काठमाडाैंमा २ सय ३० जना, भक्तपुरमा २४ जना र ललितपुरमा ४७ जनामा संक्रमण देखिएकाे हाे ।
यससँगै देशभर काेराेना संक्रमितकाे संख्या ३४ हजार ४ सय १८ जना पुगेकाे छ ।
यसैगरी बुधबार ३ सय ८५ जना कोरोना संक्रमित निकाे भएर डिस्चार्ज भएका छन् । यससँगै हालसम्म डिस्चार्ज हुनेको संख्या १९ हजार ५ सय ४ पुगेको छ ।
यसैगरी पछिल्लाे २४ घन्टामा देशभमा ११ जनाकाे मृत्यु भएकाे गाैतमले जानकारी दिएका छन् । उनका अनुसार मृत्यु हुनेमा २ महिला र ९ जना पुरुष छन् ।
यससँगै नेपालमा काेराेना संक्रमणका कारण मृत्यु हुनेकाे संख्या १ सय ७५ पुगेकाे छ।
प्रकाशित मिति: बुधबार, भदौ १०, २०७७
-1732776560.jpg)
