काठमाडाैं । सुदूरपश्चिम प्रदेशका मुख्यमन्त्री त्रिलोचन भट्टका सवारी चालकलाई कोरोना संक्रमण पुष्टि भएको छ।
धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा आइतबार मुख्यमन्त्रीको निवासको गाडी चलाउने २३ वर्षका युवकमा संक्रमण पुष्टि भएको हो ।
संक्रमण पुष्टि भएपछि उनलाई अहिले सेती प्रादेशिक अस्पतालको आइसोलेनमा राखिएको मुख्यमन्त्रीका स्वकीय सचिव शिवसिंह ओलीले जानकारी दिए ।
सवारी चालकमा कोरोना देखिएपछि मुख्यमन्त्री भट्ट सेल्फ क्वारेन्टाइनमा बसेका छन् ।
‘चालकमा कोरोना पुष्टि भएपछि उहाँ सेल्फ आइसोलेसनमा बस्नुभएको छ’, स्वकीय सचिव ओलीले भने, ‘स्वाब संकलन गरेर परीक्षण गर्ने तयारी छ ।’
संक्रमण देखिएका चालक मुख्यमन्त्री र उनको परिवार सहित केही दिनअघि डोटी पुगेर फर्किएका थिए ।
प्रकाशित मिति: आइतबार, भदौ ७, २०७७
-1732776560.jpg)
