काठमाडौं । आइतबार नेपालमा थप ८ सय १८ जनामा काेराेना संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा २ सय २० महिला र ५ सय ९८ पुरुष गरी ८ सय १८ संक्रमित थपिएका हुन् ।
यससँगै हालसम्म देशभर कोरोना भाइरस संक्रमितको संख्या ३१ हजार ९ सय ३५ पुगेको छ ।
यसैबीच काठमाडौं उपत्यकामा आइतबार थप १ सय ६६ जनामा कोरोना पुष्टि भएको छ । काठमाडौंमा १ सय २६, ललितपुरमा १२ र भक्तपुरमा २८ गरी १६६ जनामा संक्रमण पुष्टि भएको गाैतमले जानकारी दिए ।
यसैगरी पछिल्लो २४ घण्टामा देशभरका विभिन्न अस्पतालबाट २ सय ८१ जना डिस्चार्ज भएका छन् । हालसम्म १८ हजार ६ सय ३१ जना डिस्चार्ज भएकाे गाैतमले जानकारी दिए ।
आजसम्म देशभर सक्रिय संक्रमितको संख्या १३ हजार १५५ रहेको छ
प्रकाशित मिति: आइतबार, भदौ ७, २०७७
-1732776560.jpg)
