काठमाडौं । बारा, राैतहट र पर्सामा आइतबार थप १ सय ५६ जनामा कोरोना भाइरसकाे संक्रमण पुष्टि भएको छ ।
नारायणी अस्पतालमा गरिएको ३ सय २० जनाको पिसिआर परीक्षणमा ३४ महिलासहित १ सय ५६ जनामा संक्रमण पुष्टि भएको हो ।
४३ जना कन्ट्याक्ट ट्रेसिङको क्रममा कोरोना पोजिटिभ पाइएका हुन् । नेसनल मेडिकल कलेजका ३ जनासहित ५ चिकित्सक पनि संक्रमित भएका छन् । संक्रमित हुनेहरुमा स्वास्थ्यकर्मीसँगै प्रहरी, पत्रकार तथा नेपाली सेनासमेत छन् ।
संक्रमितमध्ये ९ जना बारा, ५ जना रौतहट र १ सय ४२ जना पर्साका बासिन्दा हुन् । अस्पतालले जनाएअनुसार संक्रमितहरु ३ वर्षदेखि ७० वर्ष उमेर समूहका छन् ।
प्रकाशित मिति: आइतबार, भदौ ७, २०७७
-1732776560.jpg)
