काठमाडाैं । नेपालमा काेराेना संक्रमणका कारण थप ३ जनाकाे मृत्यु भएकाे छ । मृत्यु हुनेमा वर्साका २ जना र मकवानपुरका १ जना छन् ।
वीरगन्जकाे हेल्थ केयर कोभिड अस्पतालमा उपचारका क्रममा २ जना संक्रमितकाे मृत्यु भएको हो ।
पर्सा बहुदरमाई नगरपालिका ६१ वर्षीय पुरुष शनिबार बिहान ७ बजे र वीरगन्ज महानगरपालिकाका ५८ वर्षीय पुरुष शुक्रबार राति ८ बजे मृत्यु भएको अस्पतालकी भूमिका अधिकारीले जानकारी दिइन्।
अस्पतालका अनुसार ५४ वर्षीय पुरुष भदौ ५ गते श्वासप्रश्वासको समस्या लिएर आइसोलेसनमा भर्ना भएका थिए। उनी मिर्गौलाका बिरामी थिए।
त्यस्तै ६१ वर्षीय पुरुष भदौ ४ गते कोभिड अस्पतालमा भर्ना भएका थिए । उनी दम, मुटु रोग र उच्च रक्तचापका बिरामी थिए ।
यसैगरी चितवन भरतपुरको पुरानो मेडिकल कलेजमा उपचाररत हेटौंडाका ७५ वर्षीय वृद्धमा मृत्युपछि कोरोना संक्रमणको पुष्टि भएको छ ।
उनलाई भदौ ३ गते निमोनिया भएर उपचारका लागि भरतपुर ल्याइएको थियो । ४ गते राति उनको मृत्यु भएपछि उनको स्वाब परीक्षण गर्दा काेराेना पाेजेटिभ देखिएकाे हाे ।
प्रकाशित मिति: शनिबार, भदौ ६, २०७७
-1732776560.jpg)
