काठमाडाैँ । शुक्रबार काठमाडाैं उपत्यकामा थप १ सय ८२ जनामा काेराेना भाइरसकाे संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गाैतमले काठमाडाैंमा १ सय ४२ जना, भक्तपुरमा १५ जना र ललितपुरमा २५ जनामा काेराेना संक्रमण देखिएकाे हाे ।
यसैगरी नेपालमा पछिल्लो २४ घण्टामा थप ८ सय ३८ जनामा कोरोना भाइरसको संक्रमण पुष्टि भएको छ । यससँगै नेपालमा कोरोना संक्रमितको कुल संख्या ३० हजार ४ सय ८३ पुगेको छ।
पछिल्लो २४ घण्टामा २ सय ५० जना डिस्चार्ज भएको गाैतमले जानकारी दिए । यससँगै हालसम्म डिस्चार्ज हुनेहरुको संख्या १८ हजार २ सय १४ पुगेको छ ।
पछिल्लो २४ घण्टामा देशभरका प्रयाेगशालामा १३ हजार ५ सय ७९ जनाको पिसिआर परीक्षण गरिएको छ । देशभर सक्रिय संक्रमितको संख्या १२ हजार १ सय ३२ छ ।
यसैगरी मन्त्रालयका अनुसार २४ घण्टामा ११ जनाको मृत्यु भएको छ । योसँगै कोरोनाले ज्यान गुमाउनेकाे संख्या १ सय ३७ पुगेकाे छ ।
प्रकाशित मिति: शुक्रबार, भदौ ५, २०७७
-1732776560.jpg)
