काठमाडौं । काठमाडौंमा १ जना कोरोना संक्रमितको मृत्यु भएको छ । सशस्त्र प्रहरी अस्पतालमा बलम्बुमा उपचारत १ वृद्धको मृत्यु भएको अस्पतालले जनाएकाे छ ।
सप्तरीका ७७ वर्षीय वृद्धको शुक्रबार बिहान मृत्यु भएको हाे । उनकाे स्वास्थ्यमा समस्या देखिएपछि साउन ३० गते उनलाई राजविराजबाट काठमाडाैं ल्याइएको थियो ।
स्वास्थ्य अवस्था बिग्रिएकाले उनी ग्रान्डी अस्पताल गएका थिए । ग्रान्डीले उनलाई ग्रिनसिटी अस्पतालमा पठायो । साउन ३२ गते वीर अस्पतालबाट कोरोनाको रिपोर्ट पोजेटिभ आएकाे थियाे ।
उनलाई बिहीबार साँझ ग्रिन सिटी अस्पतालबाट रिफर गरेर सशस्त्र अस्पताल ल्याइएको थियो । उपचारकै क्रममा शुक्रबार बिहान १० बजेतिर उनको मृत्यु भएको हाे ।
यससअघि सशस्त्र प्रहरी अस्पतालमै बिहीबार काठमाडाैंका १ काेराेना संक्रमितकाे मृत्यु भएकाे थियाे ।
बालुवाटारका ७६ वर्षका पुरुषको बिहीबार साँझ अस्पतालमा ल्याइएको १ घण्टामै मृत्यु भएको हो । ती पुरुषमा कोरोना पुष्टि भएर ६ दिन अघिदेखि होम आइसोलेसनमै थिए ।
स्वास्थ्य अवस्था जटिल भएपछि बिहीबार साँझ अस्पताल ल्याइएको थियो । उपचारकै क्रममा उनकाे मृत्यु भएकाे हाे ।
यसैगरी वीरगन्जमा १ जना कोरोना संक्रमितकाे पनि मृत्यु भएको छ। वीरगन्ज महानगरपालिका वडा नम्बर १० रानीघाटका ४८ वर्षीय पुरुषको मृत्यु भएको हो ।
वीरगन्ज हेल्थकेयर अस्थायी कोभिड अस्पतालमा उपचारका क्रममा शुक्रबार दिउँसो सवा १ बजे ती संक्रमित पुरुषको मृत्यु भएको हो ।
प्रकाशित मिति: शुक्रबार, भदौ ५, २०७७
-1732776560.jpg)
