काठमाडाैं । काेराेना भाइरसकाे संक्रमणका कारण नेपालमा थप १ जनाकाे मृत्यु भएकाे छ ।
रुपन्देहीको देवदहमा बुधबार मृत्यु भएका पुरूषमा कोरोना भाइरसको संक्रमण पुष्टि भएको हाे ।
रुपन्देहीको देवदह नगरपालिका वडा नं. ९ भलुहीमा रहेको देवदह मेडिकल कलेजमा उपचाररत देवदह वडा नं. ३ सिसपुर निवासी ७० वर्षीय पुरूषको बिहीबार मृत्यु भएको हाे ।
मृतक पुरूषको बुटवलमा रहेको लुम्बिनी प्रादेशिक अस्पतालमा गरिएको स्वाब परीक्षणमा बिहीबार कोरोना पोजेटिभ पुष्टि भएको हो ।
मृत्यु भएका व्यक्ति लामो समयदेखि पक्षघात, सुगर, प्रेसरको बिरामी रहेका थिए । पहिले भैरहवा मेडिकल कलेजबाट घर लैजान भन्दै घर ल्याइएका बिरामीलाई पीडा बढी भएपछि देवदह मेडिकल कलेजको आइसियुमा राखिएकोमा उनको मृत्यु भएको हाे ।
कोरोना पोजेटिभ भेटिएका पुरूषको नेपाली सेनाले दाह संस्कारको तयारी गरिरहेको देवदह नगर स्वास्थ्य शाखा प्रमुख काशीनाथ बन्जाडेले बताए ।
प्रकाशित मिति: बिहीबार, भदौ ४, २०७७
-1732776560.jpg)
