काठमाडौं । पछिल्लो २४ घण्टामा नेपालमा ६ सय ८१ जनामा कोरोना भाइरसकाे संक्रमण पुष्टि भएको छ ।
स्वास्थ्य मन्त्रालयका प्रवक्ता डा. जागेश्वर गौतमका अनुसार देशभरका प्रयाेगशालामा गरिएकाे परीक्षणमा ६ सय ८१ जनामा काेराेना देखिएकाे हाे । उनका अनुसार २४ घन्टामा ११ हजार ५ सय २२ जनाकाे पिसिआर विधिबाट परीक्षण गरिएकाे थियाे ।
बुधबार थपिएका संक्रमितमध्ये १ सय ५९ जना काठमाडाैं उपत्यकाका छन् । काठमाडाैंका १ सय ३४ जना, ललितपुरका १७ जना र भक्तपुरका ८ जनामा काेराेना संक्रमण पुष्टि भएकाे हाे ।
यो सहित नेपालमा संक्रमितको संख्या २८ हजार ९ सय ३८ पुगेको छ ।
यसैगरी पछिल्लो २४ घण्टामा १ सय २० जना कोरोना जितेर डिस्चार्ज भएका छन् । योसँगै कुल डिस्चार्ज हुनेको संख्या १७ हजार ७ सय पुगेको छ ।
यसैगरी पछिल्लाे २४ घन्टामा नेपालमा ६ जनाकाे मृत्यु भएकाे छ । मृत्यु हुनेमा काठमाडाैं, बर्दिया चितवन भक्तपुर सुनसरी र माेरङका १-१ जना छन् ।
यससँगै नेपालमा काेराेनाका कारण ज्यान गुमाउनेकाे संख्या १ सय २० पुगेकाे छ ।
प्रकाशित मिति: बुधबार, भदौ ३, २०७७
-1732776560.jpg)
