काठमाडाैं । नेपालमा काेराेना भाइरसकाे संक्रमणका कारण थप १ जनाकाे मृत्यु भएकाे छ ।
बिपी कोइराला स्वास्थ्य विज्ञान प्रतिष्ठान धरानमा उपचाररत् विराटनगरकी ५० वर्षीया महिलाको गएराति मृत्यु भएको प्रतिष्ठानले जनाएको छ ।
विराटनगरको न्युरो हस्पिटलबाट रिफर गरेपछि धरान पुर्याइएकी महिलाको उपचारका क्रममा राति मृत्यु भएको बिपी प्रतिष्ठानका प्रवक्ता डा. निदेश सापकोटाले जानकारी दिए ।
मृतक महिला शनिबार राति ११ बजे प्रतिष्ठानको कोभिड अस्पताल भर्ना भएकी थिइन् । भर्ना भएको १ घण्टापछि उनको मृत्यु भएकाे बताइएकाे छ ।
अत्यधिक ज्वरो र श्वासप्रश्वासमा समस्या भएपछि न्युरो अस्पताल हुँदै उनलाई शनिबार प्रतिष्ठानमा लगिएको थियो ।
महिलालाई फोक्सो, थाइराइड र मुटुको पनि समस्या रहेको बताइएको छ । मृतकको शवको व्यवस्थापन गर्ने कार्य भइरहेको प्रतिष्ठानले जनाएको छ ।
प्रकाशित मिति: आइतबार, साउन ३२, २०७७
-1732776560.jpg)
