काठमाडाैं । नेपालमा कोरोना भाइरसबाट थप ३ जनाको मृत्यु भएको छ ।
बुटवल, धनुषा र वीरगन्जमा १-१ जनाकाे काेराेना संक्रमणका कारण मृत्यु भएकाे हाे ।
गत साउन २४ गते गण्डक कोभिड अस्पतालमा भर्ना भएका पर्साको वीरगन्ज महानगरपालिका स्थित मुर्लीका ६० वर्षीय पुरुषको शुक्रबार बेलुकी मृत्यु भएको हो ।
उनी पहिलेदेखि नै उच्चरक्तचाप, मधुमेह तथा प्यारालायसिसबाट पीडित रहेको कोभिड अस्पतालले जनाएको छ ।
शुक्रबार बेलुकी एक्कासी स्वास्थ्यमा थप समस्या आएको र उपचारकै क्रममा निधन भएको गण्डक कोभिड अस्पतालका संयोजक डा. उदय नारायण सिंहले जानकारी दिए ।
यसैगरी धनुषामा पनि कोरोना भाइरसको संक्रमणबाट १ जनाको मृत्यु भएको छ । कोरोनाबाट मृत्यु हुनेमा धनुषाको जनकनन्दनी गाउँपालिका वडा नम्बर ४ का ५० वर्षीय पुरुष छन् ।
कोरोनाको लक्षण देखिएका ती पुरुषलाई सुरुमा जनकपुरधामस्थित प्रादेशिक अस्पतालमा निर्माण गरिएको कोभिड विशेष अस्पतालमा भर्ना गरिएको थियो यहाँ उपचार सम्भव नभएपछि थप उपचारका लागि काठमाडाैं लैजाँदै गर्दा शुक्रबार उनको मृत्यु भएको हाे ।
यसैगरी रुपन्देहीको बुटवलस्थित लुम्बिनी प्रादेशिक अस्पतालमा उपचाररत कपिलवस्तु–७ मायादेवीका १ जनाको कोरोना भाइरसको संक्रमणका कारण मृत्यु भएको छ ।
शनिबार बिहान मृत्यु भएका कपिलवस्तुका ४२ वर्षका ती बिरामी फाेक्साेमा समस्या देखिएपछि ३ दिनअघि अस्पताल भर्ना भएका थिए ।
प्रकाशित मिति: शनिबार, साउन ३१, २०७७
-1732776560.jpg)
