काठमाडाैं । संघीय सांसद डा. सूर्यनारायण यादवलाई कोरोना भाइरसको संक्रमण पुष्टि भएको छ ।
सप्तरी क्षेत्र नम्बर १ बाट निर्वाचित डा. यादवमा कोरोना संक्रमण पुष्टि भएको हो । झाडापखालाबाट गम्भीर बनेका बिरामीको उपचारका क्रममा कोरोना भाइरस सरेको उनले बताएका छन्।
६४ वर्षीय उनी जनकपुरमा रहेको क्लिनिक सञ्चालन गर्छन् । तर क्लिनिकमा आफू नियमित बिरामी जाँच गर्न जान छाडे पनि गम्भीर बिरामी आउँदा बोलाउने गरिएको बताए ।
बाल रोग विशेषज्ञ डा. यादव आफू अहिले स्वस्थ्य रहेको प्रतिक्रिया दिएका छन् । आफूले उपचार गरेका बालकमा काेराेना संक्रमण देखिएपछि आफ्नो जाँच गराउँदा काेराेना पोजेटिभ आएको उनले बताए ।
प्रकाशित मिति: शुक्रबार, साउन ३०, २०७७
-1732776560.jpg)
