जनकपुर । धनुषाको जनकपुरधाममा थप १ कोरोना संक्रमितको मृत्यु भएको छ ।
प्रादेशिक अस्पताल मातहत रहेको कोरोना विशेष अस्पतालको आइसोलेसनमा उपचाररत १ पुरुषको मृत्यु भएको हो ।
धनुषाका प्रमुख जिल्ला अधिकारी प्रेम प्रसाद भट्टराईका अनुसार जिल्लाको विदेह नगरपालिका वडा नम्बर ८ का ६० वर्षीय पुरुषको कोरोना संक्रमणबाट मृत्यु भएको हाे ।
क्षयराेगबाट ग्रसित ती पुरुष स्वास्थ्यमा थप समस्या देखिएपछि साउन ८ गते उपचारका लागि अस्पताल पुगेका थिए । काेराेना आशंकामा स्वाब संकलन गरी परीक्षण गर्दा रिपोर्ट पोजेटिभ आएपछि उनलाई आइसोलेसनमा भर्ना गरिएको थियो ।
मृतकको कुनै ट्राभल हिस्ट्री नभएकाे बताइएकाे छ ।
प्रकाशित मिति: मंगलबार, साउन २७, २०७७
-1732776560.jpg)
