जनकपुर । धनुषामा गत शनिबार राति मृत्यु भएका १ पुरुषमा कोरोना संक्रमण पुष्टि भएको छ ।
जिल्लाको मिथिला बिहारी नगरपालिका वडा नम्बर-५ निवासी ४५ वर्षीय ती मृतक पुरुषमा कोरोना संक्रमण पुष्टि भएको हाे ।
कोरोनासँग मिल्दोजुल्दो लक्षण देखिएका उनीसहित २ जनाकाे शनिबार मृत्यु भएको थियो । अर्का व्यक्तिमा भने संक्रमण नदेखिएकाे प्रदेश स्वास्थ्य निर्देशनालयले जनाएकाे छ ।
उनी जनकपुरधाम उपमहानगरपालिका-२ कदम चोकस्थित बिनयतारा फाउन्डेसन क्यान्सर अस्पतालमा सेक्युरिटी गार्डको काम गर्दै आएका थिए ।
बिदामा घर गएका बेला बिरामी भएका उनलाई एक्कासी ज्वरो, रुघाखोकीका साथै श्वास फेर्न समस्या भएपछि शनिबार राति उपचारका लागि अस्पताल ल्याउने क्रममा बाटैमा मृत्यु भएको थियो ।
यससँगै धनुषामा काेराेनाका कारण मृत्यु हुनेकाे संख्या २ पुगेकाे छ भने देशभरमा ७८ जनाले ज्यान गुमाइसकेका छन् ।
प्रकाशित मिति: सोमबार, साउन २६, २०७७
-1732776560.jpg)
