काठमाडाैं । नेपालमा पछिल्लो समय कोरोना भाइरसकाे संक्रमण भयावह बन्दै गएकाे पाइएकाे छ ।
पछिल्लाे समय लक्षण भएका बिरामीको संख्या बढेकाे छ भने मृत्यु हुनेको संख्या पनि दिनहुँ बढिरहेकाे छ। हालसम्म काेराेनाकै कारण ७० जनाकाे मृत्यु भइसकेकाे छ ।
स्वस्थ्य तथा जनसंख्या मन्त्रालयका प्रवक्ता प्राडा. जागेश्वर गौतमले अहिले कोरोनाको लक्षणसहितका ६६ जना गम्भीर बिरामीलाई आइसीयु र ३ जनालाई भेन्टिलेटरमा राखेर उपचार गरिरहेको जानकारी दिएका छन् ।
संक्रमणको पहिलो चरणमा अधिकांश मानिस विदेशबाट आएका थिए भने लकडाउन खुलेपछि समुदाय स्तरमा पनि संक्रमण देखिन थालेको छ ।
प्रवक्ता गौतमका अनुसार अहिले देशभर २ हजार ६ सय आइसियु र ९ सय भेन्टिलेर उपलब्ध छन् । त्यस्तै उनले २ सय ५० आइसियु र भेन्टिलेटर कोरोनाका बिरामीको उपचारका लागि थपिएको र अझै २ सय ४० थप्ने तयारी भइरहेको जानकारी दिए ।
प्रकाशित मिति: शुक्रबार, साउन २३, २०७७
-1732776560.jpg)
