वीरगन्ज । पछिल्लाे समय काेराेना संक्रमणकाे केन्द्रविन्दु बनेकाे पर्सा जिल्लामा कोरोना भाइरसको संक्रमणका कारण थप १ जनाको मृत्यु भएको छ ।
वीरगन्ज महानगरपालिका–१५ का ४६ वर्षीय पुरुषको बुधबार बिहान मृत्यु भएको हो । वीरगन्ज हेल्थ केयर अस्थायी कोभिड अस्पतालमा उपचारका क्रममा उनको मृत्यु भएको नारायणी अस्पतालका डा मदन उपाध्यायले जानकारी दिए ।
उपाध्यायका अनुसार उनको साउन १८ गते स्वाब संकलन गरी परीक्षण गरिएकामा साउन १९ गते उनलाई कोरोना संक्रमण भएको पुष्टि भएको थियो ।
उनी महुमेहका रोगी थिए । पछिल्लो समय रुघा खोकी, ज्वरो, श्वासप्रश्वासलगायत समस्याबाट पीडित भएपछि उनलाई मंगलबार राति हेल्थ केयर अस्थायी कोभिड अस्पताल भर्ना गरिएको हो ।
यससँगै नेपालमा काेराेनाका कारण मृत्यु हुनेकाे संख्या ६० पुगेकाे छ ।
प्रकाशित मिति: बुधबार, साउन २१, २०७७
-1732776560.jpg)
