विराटनगर । काेराेना भाइरसकाे संक्रमण आशंका गरिएका एक पुरुषकाे विराटनगरमा मृत्यु भएकाे छ ।
उदयपुरका ५५ वर्षीय पुरुषको काेसी अस्पतालकाे आइसाेलेसनमा ज्यान गएको हो । स्वासप्रश्वासमा समस्या, उच्च ज्वरो र रुघाखोकी लागेपछि उनलाई विराट नर्सिङ होम ल्याइएको थियाे ।
विराटबाट रिफर गरी उनलाई काेसी अस्पताल पठाइएकाे थियाे । राति साढे १२ बजेतिर बेडमा भर्ना गर्न खोज्दै गर्दा उनको मृत्यु भएकाे हाे ।
अहिले मृतकको शव अस्पतालमै राखिएको छ । कोरोना संक्रमणसँग मिल्दोजुल्लो लक्षण देखिएपछि परीक्षणका लागि मृतकको स्वाब संकलन गरी परीक्षणका लागि पठाइएकाे छ ।
स्वाबको नजिता आएपछि त्यही अनुसार शवको व्यवस्थापन गरिने अस्पतालले जनाएको छ ।
मृतकका आफन्तले उनमा जन्डिस देखिएको बताएका छन् । उनको ट्राभल हिस्ट्री नरहेको अस्पतालले जनाएको छ ।
यसअघि, सोमबार दिउँसो साेही अस्पतालमा विराटनगर–५ का ७७ वर्षीय वृद्धको कोरोना संक्रमणका कारण मृत्यु भएको थियो ।
प्रकाशित मिति: मंगलबार, साउन २०, २०७७
-1732776560.jpg)
