विराटनगर । गत साउन ८ गते अनिश्चितकालका लागि सिल गरिएको विराटनगर अस्पतालकाे आकस्मिक सेवा साेमबारबाट सञ्चालनमा आएको छ ।
अस्पतालका सञ्चालकमै कोरोना संक्रमण पुष्टि भएपछि अस्पताललाई सिल गरिएको थियो । अस्पताल प्रशासनले पत्रकार सम्मेलन गर्दै आजबाट अस्पताल सञ्चालनमा आएको बताएको छ ।
अस्पतालका प्रशासन प्रमुख पदम विनाडीले अस्पतालमा कार्यरत र सेवा लिन आएका सेवाग्राही सबैको पिसिआर जाँच भइसकेकाले अस्पताल सञ्चालन गरिएको बताए ।
अस्पताल सञ्चालनअघि पूर्णरुपमा सेनिटाइज गरी डिसइन्फेक्टेड गरिएको पनि उनले बताए ।
अस्पताल पूर्णरुपमा सञ्चालन गर्न आफूहरु तयार भए पनि नेपाल चिकित्सक संघको आग्रहलाई सम्मान गर्दै अर्काे सूचना जारी नभएसम्म आकस्मिक सेवा मात्र सञ्चालनमा ल्याइएको विनाडीले बताए ।
प्रकाशित मिति: सोमबार, साउन १९, २०७७
-1732776560.jpg)
