रौतहट । रौतहटको इशनाथ नगरपालिकाकाे वडा नम्बर ५ का वडाध्यक्ष ५५ वर्षीय देवेन्द्र ठाकुरको मृत्यु भएको छ ।
स्वासप्रस्वासमा समस्या देखिएपछि ठाकुरलाई उपचारका लागि अस्पताल लैजाँदै गर्दा सोमबार बिहान उनको बाटोमै मृत्यु भएको हो ।
२ सातादेखि रुघाखोकीसँगै ज्वरो आएर बिरामी परेका वडाध्यक्ष ठाकुरलाई सास फेर्न समस्या भएपछि उपचारका लागि सदरमुकाम गौरस्थित रौतटह नर्सिङ होममा लैजाँदै गर्दा मृत्यु भएको हाे ।
रुघाखाेकी र सास फेर्न गाह्राे भएर मृत्यु भएपछि उनमा कोरोना भाइरसकाे संक्रमण हुनसक्ने आशंका गरिएको छ । ३ दिन अघि उनको आरडिटी गर्दा भने नेगेटिभ रिपाेर्ट आएको थियो ।
मृतक ठाकुरको शव ईशनाथ–५ जटहारा गाउँ घरमै राखिएको छ । पिसिआर परीक्षणका लागि उनकाे स्वाब संकलन गरेर मात्रै दाहसंस्कार गरिने उनकाे परिवारले जनाएकाे छ ।
परिवारका अनुसार उनी लामो समयदेखि मधुमेह र उच्च रक्तचापबाट पीडित थिए ।
प्रकाशित मिति: सोमबार, साउन १९, २०७७
-1732776560.jpg)
