काठमाडाैं । पछिल्लाे समय २ नम्बर प्रदेशकाे पर्सामा काेराेना भाइरसकाे संक्रमण तीव्र रुपमा फैलिरहेकाे छ । साेमबार बिहानै पर्सामा थप ७३ जना कोरोना भाइरसका संक्रमित थपिएका छन् ।
वीरगन्जको नारायणी अस्पतालकाे प्रयोगशालामा गरिएको परीक्षणमा सेना, प्रहरी र पत्रकारसहित ७३ जनामा संक्रमण पुष्टि भएको हो ।
संक्रमितमध्ये ६१ जना पुरूष र १२ जना महिला छन् । मंगलबार संक्रमण पुष्टि हुनेमा २ प्रहरी, १ सेना र १ जना पत्रकार पनि रहेकाे अस्पतालले जनाएकाे छ ।
थपिएका संक्रमितहरु १० देखि ६७ वर्ष उमेरसमूहका छन् । योसँगै पर्सामा संक्रमित हुनेको संख्या ५ सय ८० पुगेको छ ।
संक्रमित र मृतकको संख्या बढ्न थालेपछि पर्सामा निषेधाज्ञा जारी गरिएको छ । यस अघि वीरगन्ज महानगरपालिकाभित्र मात्रै निषेधाज्ञा लगाइएकामा अहिले भने जिल्लाभरि नै निषेधाज्ञा जारी गरिएको जिल्ला प्रशासन कार्यालयले जनाएको छ।
प्रकाशित मिति: सोमबार, साउन १९, २०७७
-1732776560.jpg)
