काडमाडाैं । काेराेना भाइरसकाे संक्रमणका कारण वीरगन्जमा एकै दिन ३ जनाकाे मृत्यु भएकाे छ ।
मृत्यु हुनेमा जगदम्बा इन्टर प्राइजेजका प्रमुख कार्यकारी अधिकृत, वीरगन्ज महानगरपालिका १६ नगवा बस्ने ३५ वर्षीय युवक र वडा नम्बर २ छपकैया बस्ने ७० वर्षका वृद्ध छन् ।
वीरगन्ज–११ श्रीपुर बस्ने भारत घर भएका जगदम्बाका सिइओको गएराति मृत्यु भएको नारायणी अस्पतालले जनाएकाे छ ।
अस्पतालका मेडिकल सुपरिटेन्डेन्ट डा. मदन उपाध्यायका अनुसार मुटु रोगी रहेका उनमा साउन ६ गते कोरोना संक्रमण पुष्टि भएपछि साउन ७ गते गण्डकस्थित कोभिड अस्पतालमा ल्याएर भर्ना गरिएको थियो।
स्वास्थ्य अवस्था बिग्रिँदै गएपछि उनलाई कोभिड अस्पतालको आइसियुमा राखिएको थियो । तर बिहीबार दिउँसो अवस्था झन जटील भएपछि उनलाई भेन्टिलेटरमा राखिएको र भेन्टिलेटरमै उपचारका बिहीबार राति साढे ११ बजे मृत्यु भएको बताइएकाे छ ।
यसैगरी बिहीबार साँझ वीरगन्जका ३५ र ७० वर्षीय २ पुरुषको पनि कोरोना संक्रमणबाट मृत्यु भएको उपाध्यायले जानकारी दिए ।
उनीहरु दुबै जनाको मृत्यु पिसिआर रिपोर्ट आउनुअघि नै भएको हो । उपाध्यायका अनुसार ३५ वर्षीय युवाको गण्डक कोरोना अस्पतालमा उपचारका क्रममा मृत्यु भएको हो भने छपकैयाका वृद्धको भने घरमै मृत्यु भएपछि स्वाब परीक्षण गर्दा कोरोना पोजेटिभ देखिएको हाे ।
योसँगै नेपालमा कोरोना संक्रमणका कारण मृत्यु हुनेहरुको संख्या ५४ पुगेको छ ।
प्रकाशित मिति: शुक्रबार, साउन १६, २०७७
-1732776560.jpg)
