काठमाडाैं । पछिल्लो २४ घण्टामा नेपालमा थप ३ सय ११ जनामा कोरोना भाइरसकाे संक्रमण पुष्टि भएकाे छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले देशभर ५ हजार ३२ जनामा गरिएको परीक्षणमा ३ सय ११ जनामा संक्रमण पुष्टि भएको जानकारी दिएका हुन् ।
योसँगै नेपालमा कुल संक्रमितको सख्या १९ हजार ६३ पुगेको छ । पछिल्लाे समय घट्दाे दरमा रहेकाे संक्रमितकाे संख्या एक्कासि बढेकाे हाे ।
मंगलबार थपिएकामध्ये काठमाडाैं उपत्यकाका मात्र ५३ जना छन् । उपत्यकामा यति धेरै संख्यामा संक्रमित भेटिएकाे याे पहिलाे पटक हाे ।
मन्त्रालयका अनुसार काठमाडौं जिल्लामा मात्र ४८ जना संक्रमित भेटिएका छन् । यस्तै ललितपुरका ४ र भक्तपुरका १ जनामा पनि कोरोना संक्रमण पुष्टि भएको छ ।
यसैगरी मंगलबार १ सय २१ जना निकाे भएर घर फर्किएका छन् । योसँगै १३ हजार ८ सय ७५ जना संक्रमणमुक्त भएको मन्त्रालयले जनाएकाे छ ।
यसैगरी काेराेना भाइरसकाे संक्रमणका कारण थप १ जनाको मृत्यु भएकाे छ ।
बझाङकाे बुङ्गल नगरपालिका ३ का ६५ वर्षीय पुरुषको गत ९ गते मृत्यु भएकाे थियाे । दम रोग भएका उनी गएको असार १४ गते भारतको बैङ्ग्लोरबाट बझाङ फर्किएका थिए ।
योसँगै नेपालमा कोरोनाका कारण ज्यान गुमाउनेको संख्या ४९ पुगेको छ ।
प्रकाशित मिति: मंगलबार, साउन १३, २०७७
-1732776560.jpg)
