पोखरा । मणिपाल शिक्षण अस्पतालका १ जना डाक्टरमा कोरोना भाइरसकाे संक्रमण पुष्टि भएको छ ।
मेडिकल वार्डमा कार्यरत ती डाक्टर आइतबारसम्म बिरामीको जाँचमा खटिएका प्रदेश स्वास्थ्य निर्देशनालयले जनाएकाे छ।
निर्देशनालयका निर्देशक डा. विनोदविन्दु शर्माका अनुसार संक्रमण पुष्टि भएपछि उनलाई पश्चिमाञ्चल क्षेत्रीय अस्पतालको आइसोलेसनमा लगिएकाे छ ।
ती डाक्टरलाई केही दिनदेखि सामान्य ज्वरो आएको थियो । कोरोना संक्रमणकाे आशंकामा आइतबार उनको स्वाब परीक्षणका लागि पश्चिमाञ्चल क्षेत्रीय अस्पतालको प्रयोगशालामा पठाइएकाे थियाे ।
डाक्टरलाई नै संक्रमण पुष्टि भएपछि अस्पतालमा १० दिनयता भर्ना भएर उपचार गराइरहेका बिरामीसहित अन्य स्वास्थ्यकर्मीकाे पनि स्वाब संकलन गरी परीक्षणको तयारी गरिएकाे छ।
मणिपालकै हाेस्टलमा बस्ने डाक्टर एमबिबिएस सकेर साेही अस्पतालमा एमडी गरिरहेका छन् ।
प्रकाशित मिति: सोमबार, साउन १२, २०७७
-1732776560.jpg)
