विराटनगर । विराटनगरको विराटनगर अस्पताल (विराट नर्सिङहोम) मा कार्यरत थप ४ जना स्वास्थ्यकर्मीमा कोरोना भाइरसकाे संक्रमण पुष्टि भएको छ ।
विराटनगर महानगरपालिका स्वास्थ्य महाशाखा प्रमुख रमेश कार्कीका अनुसार २१, ३०, ३१ र ५६ वर्षीया नर्सिङ स्टाफमा संक्रमण पुष्टि भएको हाे ।
संक्रमण पुष्टि भएका सबैलाई आइसोलेसनमा भर्ना गरिएको कार्कीले जानकारी दिए । योसँगै विराट नर्सिङ होममा कोरोना संक्रमितको संख्या ५ पुगेको छ ।
यसअघि साेही अस्पतालका सञ्चलकमा काेराेना कोरोना पुष्टि भएपछि उनीहरु क्वारेन्टाइनमा बसेका थिए ।
अस्पतालमा कार्यरत स्वास्थ्यकर्मीमै काेराेना देखिएपछि विराट नर्सिङ होम र विराट मेडिकल कलेजमा कार्यरत कर्मचारीहरूले सबैकाे पिसिआर परीक्षण गर्न माग गरेका छन् ।
अस्पतालमा कार्यरत २ सय ५० भन्दा बढी कर्मचारीमध्ये पहिलो चरणमा ५८ जनाको स्वाब संकलन गरिएको थियो ।
प्रकाशित मिति: सोमबार, साउन १२, २०७७
-1732776560.jpg)
