काठमाडाैं । नेपालमा काेराेना भाइरसकाे संक्रमणका कारण पहिलाेपटक विदेशी नागरिककाे मृत्यु भएकाे छ ।
काठमाडौंको त्रिवि शिक्षण अस्पतालमा उपचाररत १ चिनियाँ नागरिकको कोरोना संक्रमणबाट मृत्यु भएको हाे ।
अस्पतालका निर्देशक डा. रोहित पौडेलले ५८ वर्षीया चिनियाँ महिलाको कोरोना संक्रमणबाट मृत्यु भएको पुष्टि गरे ।
पोखरामा रहेका बेला कोरोना पोजेटिभ भएपछि उनलाई थप उपचारका लागि ग्रान्डी अस्पताल ल्याइएको थियो। ग्रान्डीबाट पनि थप उपचारका लागि त्रिवि शिक्षण अस्पतलामा भर्ना गरिएको थियो ।
अहिले उनको शव अस्पतालमै राखिएको छ। 'उहाँको शव अहिले अस्पतालमै छ। दूतावासको रोहबरमा सेनाले शव व्यवस्थापन गर्ने कुरा छ,' निर्देशक पौडेलले भने ।
प्रकाशित मिति: बुधबार, साउन ७, २०७७
-1732776560.jpg)
