काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको चीन भ्रमण स्थगित भएको छ।
उच्च स्रोतका अनुसार अगस्ट दोस्रो साता हुने भनिएको लामिछानेको चीन भ्रमण यसअघि एक महिना सारिएको थियो। तर सेप्टेम्बर दोस्रो साता पनि उनको भ्रमण नहुने भएको हो।
अब रास्वपाका सांसदहरूको टोली मात्रै चीन जाने स्रोतले जनाएको छ। भारत भ्रमणपछि लामिछानेले चीन भ्रमण गर्ने तय भएको थियो।
सरकारी स्रोतका अनुसार लामिछानेले अर्को उपयुक्त मितिमा चीन भ्रमण गर्नेछन्। यद्यपि, नयाँ मिति भने अहिलेसम्म तय भएको छैन।
यसैबीच रास्वपा उपसभापति तथा अर्थमन्त्री स्वर्णिम वाग्ले भने छिट्टै भारत भ्रमणमा जाने भएका छन्। भारत भ्रमणका क्रममा उनको उच्च तहमा भेटवार्ता हुने बताइएको छ।
प्रकाशित मिति: आइतबार, भदौ ७, २०८३
