रसुवा । हिमाली जिल्ला रसुवामा पनि डेंगु संक्रमण देखिएको छ ।
जिल्ला अस्पताल रसुवामा बिहीबार डेंगुको परीक्षण सुरु गरिएकोमा एक जना बिरामीमा डेंगुको संक्रमण देखिएको हो ।
अस्पतालले र्यापिड डायग्नोष्टिक टेष्ट किट (द्रुत निदान परीक्षण संयन्त्र) ल्याएर हिजो सात जना बिरामीको परीक्षण गरेको हो ।
सात जनामध्ये एक जनामा डेंगु देखिएको अस्पतालले जनाएको छ । रसुवा जिल्ला अस्पतालमा परीक्षणका क्रममा डेंगु देखिएका बिरामी चितवनस्थित आफ्नो घर पुगेर आएका थिए ।
उनी सशस्त्र प्रहरीको जवान भएको अस्पतालले जनाएको छ । प्रकोप बढ्दै गएपछि रसुवामा पनि हिजोदेखि डेंगुको परीक्षण सुरु भएको हो ।
यस्तै कालिका गाउँपालिका–२, कालिकास्थानका ङङ्गप्रसाद आचार्यलाई पनि डेंगु भएको पुष्टि भएको छ ।
प्रकाशित मिति: शुक्रबार, भदौ २७, २०७६ १३:३६
