१९ साउन, काठमाडौं । गृहमन्त्री सुधन गुरुङ र उपचारका क्रममा मृत्यु भएका रविन्द्र मेहताका परिवारबीच वार्ता सुरु भएको छ।
महाराजगञ्जस्थित त्रिभुवन विश्वविद्यालय शिक्षण अस्पतालमा वार्ता भइरहेको हो। साउन १० गते राति कोशी प्रदेशको सुनसरी, देवानगञ्ज गाउँपालिका–३ कप्तानगञ्जमा भएको घटनामा घाइते भएका २२ वर्षीय मेहताको उपचारका क्रममा आज निधन भएको थियो।
यसअघि गृहमन्त्री गुरुङले हिन्दु र मुस्लिम समुदायका नेताहरुसँग छुट्टाछुट्टै छलफल गरेका थिए। गृहमन्त्रालयमा भएको उक्त छलफलमा पछिल्लो समय देखिएका विवाद, शान्ति–सुरक्षा र आपसी सद्भावका विषयमा कुराकानी भएको जनाइएको छ।
प्रकाशित मिति: मंगलबार, साउन १९, २०८३
