काठमाडौं । नेपाली कांग्रेसको १५औँ महाधिवेशन उद्घाटन समारोहमा नेकपा (एमाले)का अध्यक्ष केपी शर्मा ओली सहभागी नहुने भएका छन् ।
आइतबार (असोज १८) काठमाडौंको खुलामञ्चमा हुने कांग्रेस महाधिवेशन उद्घाटन समारोहमा ओली सहभागी नहुने एमालेको प्रचार विभागले जनाएको छ ।
एमालेका तर्फबाट महासचिव शंकर पोखरेल उद्घाटन समारोहमा सहभागी हुनेछन् ।
कांग्रेसले महाधिवेशन उद्घाटन समारोहमा विभिन्न दलका शीर्ष नेताहरूलाई निमन्त्रणा गरेको छ । ओलीलाई कांग्रेसले विशेष अतिथिका रूपमा निमन्त्रणा गरेको थियो ।
प्रकाशित मिति: आइतबार, असोज १८, २०८३
