काठमाडौं । साताको कारोबारको पहिलो दिन सोमबार (असोज १२) नेपाल स्टक एक्सचेन्ज (नेप्से) परिसूचक दोहोरो अंकले घटेको छ ।
सोमबार नेप्से परिसूचक १६.४७ अंक अर्थात् ०.६२ प्रतिशतले घटेर २६१३.३३ विन्दुमा बन्द भएको छ ।
यस दिन ३५७ कम्पनीका १ करोड ३१ लाख ७८ हजार १२८ कित्ता सेयर किनबेच भएका छन् । कुल कारोबार रकम ५ अर्ब ३८ करोड ५७ लाख ८५ हजार ४१४ रुपैयाँ पुगेको छ । नेप्सेका अनुसार ५८ हजार ५०० पटकको कारोबार भएको थियो ।
सोमबार ५० कम्पनीको सेयर मूल्य बढ्दा २२३ कम्पनीको घटेको छ । यस्तै, ६ कम्पनीको सेयर मूल्य स्थिर रह्यो ।
बढ्नेमा डिबेन्चर तथा केही हाइड्रो र म्युचुअल फन्डका कम्पनी रहेका छन् । लक्ष्मी सनराइज डिबेन्चर २०९२, १० प्रतिशत केबीएल डिबेन्चर २०९०, ६.२५ प्रतिशत प्राइम बैंक डिबेन्चर २०९३, माण्डु हाइड्रोपावर र एनआईसी ब्यालेन्स फन्डको सेयर मूल्य बढेको छ ।
सबैभन्दा बढी घट्नेमा हाथवे इन्भेष्टमेन्ट, इमर्जिङ नेपाल, ग्लोबल आईएमई ब्यालेन्स फन्ड–१, धौलागिरी लघुवित्त र एसियन हाइड्रोपावर रहेका छन् ।
यस दिन ट्रेडिङ इन्डेक्सबाहेक सबै उपसमूहको परिसूचक घटेको छ ।
प्रकाशित मिति: सोमबार, असोज १२, २०८३
-1787133994.jpg)
