काठमाडौं । राष्ट्रियसभा सदस्य विष्णुबहादुर विश्वकर्माले चितवनस्थित बीपी कोइराला मेमोरियल क्यान्सर अस्पतालको सञ्चालक समितिमा पशु चिकित्सक नियुक्त गरिएको भन्दै आपत्ति जनाएका छन् ।
सोमबार बसेको राष्ट्रियसभा बैठकमा बोल्दै सांसद विश्वकर्माले सरकारको सुशासनप्रतिको प्रतिबद्धतामाथि प्रश्न उठाएका हुन् ।
‘बीपी कोइराला क्यान्सर अस्पतालको समितिमा पशुको डाक्टर नियुक्त गरिएछ, यो त अति भएन ?’ बैठकमा प्रश्न गर्दै उनले भने, ‘मानव स्वास्थ्यसँग जोडिएको क्यान्सर अस्पतालको समितिमा मानिसकै डाक्टर नियुक्त हुनुपर्ने होइन ?’
उनले यस्तो नियुक्तिले सरकारको सुशासनप्रतिको प्रतिबद्धतामाथि नै प्रश्न उठाएको टिप्पणी गरे ।
प्रकाशित मिति: सोमबार, असोज १२, २०८३
-1787133994.jpg)
