काठमाडौं । अबको तीन दिन देशका विभिन्न स्थानमा वर्षासँगै हावाहुरीको समेत सम्भावना रहेको नेपाल मौसम विज्ञान विभागले जनाएको छ।
विभागका अनुसार बिहीबार (असोज ८) मधेससहित कोसी, वाग्मती, गण्डकी र लुम्बिनी प्रदेशका तराई भूभागका केही स्थानमा हावाहुरी चल्न सक्नेछ।
शुक्रबार (असोज ९) पनि ती प्रदेशका तराई भूभागका केही स्थानमा हावाहुरीको सम्भावना रहेको विभागले जनाएको छ।
शनिबार (असोज १०) मधेससहित कोसी, वाग्मती, गण्डकी र लुम्बिनी प्रदेशका तराई भूभागका केही स्थानमा हावाहुरीको सम्भावना छ। गण्डकी र लुम्बिनी प्रदेशका पहाडी भूभागका खोँचहरूमा समेत हावाहुरी चल्न सक्ने विभागले जनाएको छ।
प्रकाशित मिति: बिहीबार, असोज ८, २०८३
